إزاي بنشتغل
ثلاث خطوات لكل طرف،
وخطوتين علينا.
خامة بتعرّف المورد والمصنع على بعض، وبتتابع الصفقة لحد ما تتم. التسجيل والطلبات من فورمات، والبيانات بتتسجل في شيت تشغيل واحد، والطرفين بيكملوا مع بعض مباشرة.
للمصنع
من التسجيل لحد العرض.
- 1تسجل بيانات المصنع
المصنع، ومسؤول المشتريات، ونوع المنتجات، والخامة اللي بتدور عليها.
- 2بتبعت الطلب
الخامة، والكمية، والمواصفات، وموعد التسليم.
- 3بتستلم العروض وتتفاوض
عروض الموردين المعتمدين بالسعر والتسليم وشروط الدفع، والاتفاق مباشر بينكم.
للمورد
من التسجيل لحد الطلب.
- 1تسجل بياناتك وخاماتك
الشركة، ونوع المورد، والمصنّع الأصلي، والخامات، والمستندات.
- 2بنراجع ونعتمد
بنراجع المستندات وشهادة التحليل، وبعدها خاماتك تدخل التطابق.
- 3بترد بعرضك
السعر والكمية وموعد التسليم وشروط الدفع وCOA، وبتكمل مع المصنع مباشرة.
بعد العرض
بنتابع لحد ما الصفقة تتم.
بنسأل الطرفين عن حالة الأوردر بعد الموعد المتوقع للتسليم، وعشان كده بنلزم المورد إنه يبلّغنا بأي أوردر تم.
الصفقة بتتسجل
لما الأوردر يتم، بنسجل الصفقة بكود، وبنربطها بالطلب والمورد والمصنع.
العمولة بتتحسب
3% من المورد بس، والمصنع مجاني. كاش بعد التسليم بـ 3 أيام، وآجل بعد استلام الفلوس بـ 3 أيام وبحد أقصى 30 يوم من التسليم.
الحماية شغالة
12 شهر من أول تعريف للمصنع اللي عرّفته خامة، بتتحسب من تاريخ أول تعريف.
النطاق
إحنا فين وحنا مش فين.
اللي بنعمله
- خامات المكملات الغذائية فقط
- مصانع المكملات الغذائية فقط
- مراجعة مستندات المورد قبل الاعتماد
- مطابقة الطلب بأكتر من مورد معتمد
- متابعة الصفقة والعمولة
اللي لسه مش موجود
- كتالوج عام للخامات (مرحلة تانية)
- حساب ولوحة تحكم لكل طرف (مرحلة تانية)
- دفع أو حجز أو ضمان داخل الموقع
- نقل أو تخليص أو شحن
- تحليل جودة أو شهادات من عندنا
تحب تبدأ منين؟
مصنع ولا مورد، الطريق واحد: تسجل، وإحنا بنكمل الخطوة اللي بعدها.