نسخة تجريبية — بنشتغل مع أول 5 موردين و10 مصانع، والنطاق: خامات ومصانع مكملات غذائية بس.

الأسئلة الشائعة

اللي بيتسأل قبل التسجيل.

لو ملقيتش إجابتك، ابعتلنا على واتساب أو الميل. بنرد في يوم عمل.

العمولة كام؟ ومين بيدفعها؟

3% من المورد بس، والمصنع مجاني. العمولة بتتحسب على الصفقة اللي تتم عن طريق خامة، وبتتحدد في تبويب الصفقات عندنا.

العمولة بتتحسب إمتى؟

كاش: بعد التسليم بـ 3 أيام. آجل: بعد استلام المورد الفلوس بـ 3 أيام، وبحد أقصى 30 يوم من التسليم.

الإثنا عشر شهر حماية دي إيه بالظبط؟

12 شهر من أول تعريف للمصنع اللي عرّفته خامة. لو المورد عرّف مصنع عن طريقنا، أي أوردر بينهم خلال السنة دي بيتحسب لخامة.

عرض المؤسسين إيه؟

أول 5 موردين يسجلوا ليهم شهر كامل بدون عمولة، بيبدأ من أول أوردر يوصل للمورد. مش محتاج كود، وبنحسبه إحنا وقت تسجيل الصفقة.

هويتي هتظهر للطرف التاني؟

الهوية مش مخفية: اسم الشركة وبيانات التواصل بتظهر للطرف التاني في الطلب اللي يخصه. ده مقصود، عشان تتفاوضوا مباشرة من غير وسيط في النص.

إيه البيانات الإجبارية للمورد؟

نوع المورد (مصنّع أصلي / مستورد / موزّع) والمصنّع الأصلي للخامة. غير كده بنطلب الخامات والمستندات وبيانات التواصل بس.

النطاق إيه؟ بتعملوا كل حاجة؟

خامات فقط، ومصانع مكملات غذائية فقط. مش بنشتغل في تعبئة أو تشغيل أو تصنيع، ومش في قطاعات تانية.

الموقع ده منصة كاملة؟

لأ، ده موقع خفيف في فترة تجريبية. التسجيل والطلبات من فورمات، والبيانات بتتسجل في شيت تشغيل، والكتالوج العام للخامات مؤجل لمرحلة تانية.

المستندات اللي محتاجينها إيه؟

للمورد: شهادة تحليل COA، وMSDS، وعرض سعر لو متاح. للمصنع: مواصفات الخامة المطلوبة وموعد التسليم.

بتاخدوا وقت قد إيه في الرد؟

بنرد في يوم عمل. الواتساب أسرع للحاجات المستعجلة، والميل أفضل للمستندات والكلام الرسمي.

فيه ضمان جودة من خامة؟

لأ. بنراجع إن المستندات موجودة وواضحة قبل الاعتماد، لكن مسؤولية الجودة والمواصفات على المورد، وأنت اللي بتقرر تقبل العرض ولا لأ.

ينفع أطلب من غير ما أسجل؟

ينفع تبعتلنا على واتساب، بس التسجيل بيخلي الطلب أسرع وبيدخل في التطابق مباشرة.

خلاص، عرفت اللي محتاجه؟

سجل من الفورم المناسب ليك، وإحنا بنكمل معاك.