نسخة تجريبية — بنشتغل مع أول 5 موردين و10 مصانع، والنطاق: خامات ومصانع مكملات غذائية بس.

خامات · مكملات غذائية

المورد يعرض خامته.
والمصنع يلاقيها.

خامة مكان واحد بيتقابل فيه مورد الخامات ومصنع المكملات الغذائية: المورد يسجل ويعرض خاماته ومستنداته، والمصنع يسجل ويطلب. إحنا بنراجع المستندات، وبنطابق كل طلب بأكتر من مورد، وبعدها الطرفين بيكملوا مع بعض مباشرة.

أنا مصنع

اطلب خامتك. الخدمة مجانية عليك.

سجل بيانات المصنع مرة واحدة، وابعت طلبك: الخامة والكمية والمواصفات وموعد التسليم. بنختارلك 3 موردين معتمدين، وبنبعتلك عروضهم تقارن بينهم في مكان واحد.

  • مجاني للمصنع من أول نقطة
  • موردين بنراجع مستنداتهم قبل الاعتماد
اطلب خامة

أنا مورد

اعرض خامتك. العمولة 3% بس.

سجل بيانات شركتك وخاماتك ومستنداتك. بعد الاعتماد، أي طلب يخص خاماتك بيوصلك على واتساب والميل، وترد بعرضك وتكمل مع المصنع مباشرة.

  • 3% من المورد بس، والمصنع مجاني
  • حماية 12 شهر من أول تعريف
سجل كمورد
النطاق: خامات فقط، ومصانع مكملات غذائية فقط فترة تجريبية شوف إزاي بنشتغل

إزاي بنشتغل

تلات خطوات، ومفيش لف ودوران.

من أول تسجيل لحد ما تتكلم مع الطرف التاني. إحنا بنعمل خطوتين، والتالتة بينك وبينه.

1

سجل من فورم قصير

دقيقتين وبيانات أساسية بس: مين إنت، وبتعرض إيه أو بتدور على إيه. وبتوافق على الشروط في نفس الفورم.

2

راجعنا وطابقنا

بنراجع مستندات المورد ونعتمدها، وبنختار للمصنع 3 موردين مناسبين للخامة المطلوبة في الطلب.

3

كمّلوا مباشرة

الهوية مش مخفية: كل طرف بيشوف بيانات التاني في الطلب اللي يخصه. والعمولة 3% من المورد بس لما الصفقة تتم.

التفاصيل لكل طرف

إيه اللي بيتحرك على خامة

خامات المكملات الغذائية.

براميل وشكاير وشهادات تحليل. بنشتغل مع موردين عندهم مستندات ومواصفات واضحة، ومصانع عارفة بالظبط بتدور على إيه.

براميل خامات معدنية في مستودع مورد
براميل خامات
شكاير خامات بودر في مخزن
شكاير وتعبئة
شهادة تحليل COA ببيانات مطموسة
شهادة تحليل COA

قبل ما تسجل

أكتر حاجات بتتسأل.

العمولة كام؟ ومين بيدفعها؟

3% من المورد بس، والمصنع مجاني. العمولة بتتحسب على الصفقة اللي تمت عن طريق خامة.

العمولة بتتحسب إمتى؟

كاش: بعد التسليم بـ 3 أيام. آجل: بعد استلام المورد الفلوس بـ 3 أيام، وبحد أقصى 30 يوم من التسليم.

إيه حكاية الحماية 12 شهر؟

12 شهر من أول تعريف للمصنع اللي عرّفته خامة. يعني أي أوردر بينك وبين المصنع ده خلال السنة دي بيتحسب لخامة.

هويتي هتظهر للمصنع؟

الهوية مش مخفية: اسم الشركة وبيانات التواصل بتظهر للطرف التاني في الطلب اللي يخصه، عشان تتفاوضوا مباشرة.

كل الأسئلة الشائعة

تواصل

عندك سؤال قبل ما تسجل؟

واتساب أسرع، والميل للمستندات والكلام الرسمي. بنرد في يوم عمل.

صفحة التواصل